Du treng ikkje kvitte deg med hettegenseren som har følgt deg dei siste fem åra, eller pakke bort puta du plutseleg blei så lei av.
FOKUS: Her er Marius i full gang med applikasjonen.
Foto: Tore Zakariassen
Med ein applikasjon kan du raskt gjere plagget nytt, redde den nye buksa du var så uheldig å rive hol på, eller gjere ei billeg veske meir spennande.
Denne teknikken brukar deltakarane i Symesterskapet denne veka. Du kan gjere som nokon av dei og velje eit komplisert mønster, eller du kan løyse det veldig kjapt og enkelt.
Her syner me ein lett applikasjon utført ved hjelp av vliesofix, som er ein type vliselin med limbelegg på begge sider.
Slik gjer du det:
1. Stryk vliesofix på baksida av stoffet du vil feste på plagget. Limsida av vliesofixen skal ligge ned mot applikasjonsstoffet.
2. Teikn og klipp ut det motivet du vil ha.
3. Ta av papiret, og plasser applikasjonen med den andre limsida ned mot plagget.
4. Stryk på applikasjonen for å lime den på plagget
