Fra EEC til abort-debatt

5. juni - EEC

Debatten om EEC sto svært sentralt her i landet på slutten av 60-talet og fram mot folkeavstemminga i 1972. Både motstandarar av og tilhengarar organiserte seg for å kjempe for sitt syn. Mest kjende organisasjonen i denne debatten blei «Folkebevegelsen mot norsk medlemskap i EEC» Denne organisasjonen hadde personleg medlemskap og blei støtta av landbruksorganisasjonar og fleire lag innanfor fagrørsla og LO. Høgsterettsadvokat Arne Haugestad blei tilsett som dagleg leiar av organisasjonen. Herbjørn Sørebø intervjua Arne Haugestad to år før folkerøystinga 25.september 1972. Programmet er før sendt 21.11. 1970.

12. juni - Kringkastingsrådet

Kringkastingsrådet er eit organ oppnemnt av storting og regjering. Medlemmene her blir valde på åremål og skal representere ulike politiske, kulturelle, religiøse og moralske syn blant publikum her i landet. Det har vore ordskifte om rådets arbeid og mandat. Mange meiner rådet har for lite makt og andre kallar det «eit supperåd». I 1970 heitte formannen i Kringkastingsrådet Øivind Seip Berggrav. Rolf Johnsen har intervjua han om rådets arbeid og mandat. Programmet er før sendt 07.02.1970.

19. juni - Soldatstreik

Soldatstreik var eit tema på 70-talet. Sivil ingeniør, politikar og kjent skeisseløpar, Lasse Efskind, markerte seg sterkt her. Han skreiv bok om temaet der han samanlikna soldatstreik med annan streik, og han meinte soldatane kunne gå til ordrenekt når dei var politisk ueinige. Herbjørn Sørebø drøftar desse synspunkta med Lasse Efskind og leiaren av forsvarskomiteen i stortinget ,Gunnar Alf Larsen (Ap). Han er svært kritisk til Lasse Efskinds synspunkt. Programmet er før sendt 14.11.1970.

26. juni - Senterpartiet fylle 50 år

Senterpartiet fylle 50 år i 1970. Partiet ,som før heite Bondepartiet, marker det jubileet på mange måtar. John Austerheim er partiformann i jubileumsåret, og i samtale med Herbjørn Sørebø fortel han om jubileumsfeiringa, historikken bak partiet og om Senterpartiets rolle i dagens politisk landskap. Programmet er før sendt i 1970.

3. juli - Svenn Stray, ny utanriksminister

Våren 1970 overtok Svenn Stray som utanriksminister etter John Lyng. Lyng blei sett på som ein liberal og lyseblå utanriksminister, men Svenn Stray seier han har respekt for det forgjengaren Lyng har utretta, og han seier at ikkje er «meir blå» enn Lyng. Han vil prøve og liggje i sentrum og samle Høgres stortingsgruppe. Store saker er «Hellas-saka», det vil seia kva slags haldning regjeringa skal ha til «junta-styret». Den andre store saka for Utanriksminister Svenn Stray er Norges kontakt med og avtaler med Europa og EEC. Herbjørn Sørebø intervjua den ny utanriksministeren Svenn Stray. Svenn Stray døde i mai 2012. Programmet er før sendt 23.05.1970.

10. juli - Einar Gerhardsen om boka "Samarbeid og strid"

Einar Gerhardsen gav hausten 1971 ut ei av sine politiske memoarbøker, «Samarbeid og strid». Boka handlar blant anna om tru og tvil i spørsmålet om NATO-medlemskap. Han skriv også om kva roller Halvard Lange, Jens Christian Hauge og Oscar Torp spela i dette spørsmålet. I boka skriv også Einar Gerhardsen om «generalstriden» i forsvaret. Herbjørn Sørebø har intervjua Einar Gerhardsen om ein del av dei sakene han tek opp i boka. Programmet blei fyrste gong sendt 23.10.1971.

17. juli - Valet i Danmark, ny statsminister Jens Otto Krag

Valet i Danmark hausten 1971 førde til stor forandringar i det danske Folketinget. Resultatet førde til at det blei berre fem grupperingar i den danske nasjonalforsamlinga. Og dei nordatlantiske representantane, det vil seia dei frå Grønland og Færøyane, kom i vippeposisjon. Regjeringa vil samarbeide frå sak til sak, seier statsminister Jens Otto Krag. Han seier at det blir ingen endring i Danmarks marknadspolitikk, men Danmark vil leggje stor vekt på det Noreg gjer. Krag trur også at regjeringa vil få ei lang levetid. Statsminister Jens Otto Krag blei intervjua av Jørgen Hornemann frå Danmarks Radio. Programmet er før sendt 09.10.1971.

24. juli - Verdas fyste miljøminister, Olav Gjærevoll

Hausten 1972 blei den fyrste Miljøvernministeren i verda utnemnt. Det var professor Olav Gjærevoll, som blei utnemnd sjef for det nyoppretta Miljøverndepartementet i den norske regjeringa. Den nye ministeren får fleire store saker på skrivebordet sitt – utbygging eller vern av Vøringsfossen, oppretting av Nasjonalparkar og verneområder og ikkje minst oljeutvinning og forurensing. Statsråden er også oppteken av jakt, fiske og friluftsliv ,og han gler seg over stor søking på stillingane i det nyoppretta departementet. Miljøvernminister Olav Gjærevoll blir intervjua av Herbjørn Sørebø og Ole Kristen Harborg Programmet er før sendt 05.05.1972.

31. juli - Ny Krinkgastingssjef, Torolf Elster

I 1972 blei Torolf Elster utnemnd til ny Kringkastingssjef i NRK. Elster var ein populær, og av og til omstridd og kunnskapsrik Programdirektør i NRK radio. Han nøla litt før han søkte stillinga, og hadde motførestilingar . Elster seier i dette intervjuert med Herbjørn Sørebø at NRK skal fungere som ein levande demokratisk organisasjon. Medarbeidarane bør vera saklege og upartiske i kontroversielle spørsmål. EF-spørsmålet blir vanskeleg ,seier Kringkastingssjef Torolf Elster. Målet må vera balanse på lang sikt. I prinsippet skal kringkastinga eksperimentere, og vi skal høyre på kritikken og drøfte den, seier Kringkastingssjef Torolf Elster. Han seier også at Noreg er eit dyrt land å drive kringkasting i i dette intervjuet med Herbjørn Sørebø. Før sendt 18.02.1972.

07. august - Anders Langes parti

Anders Lange var ein kjend person i det politisk landskapet på 60-70-talet. Han var ein fargerik person som ikkje pakka inn sin politisk bodskap i vatt. Klar og sterk tale. Hans parti «Anders Langes parti for nedsettelse av skatter og avgifter» samla tilhengarar over heile landet. Men hovudbasen var på Austlandet. Hans parti blir sett på som forløparen for Framstegspartiet. Han greidde å få fleire representantar med seg inn på Stortinget, før Fremskrittspartiet var danna. Anders lange var i mot partiorganisering som andre parti hadde og han sa han mottok stortingsløna med ytters dårleg samvet. Han ville nedlegge jernbanen, avvikle u-hjelpa . Han ville ha billigare brennevin og hardare straff for valdsbrotsverk. I dette intervjuet seier han at han står på Grunnlovens grunn og den private eigedomsrettens grunn. Anders lange blei intervjua av Thor Viksveen og Tor Fuglevik. Intervjuet er før sendt 09.06. 1973.

14. august - Demokratiske sosialister - AIK

Striden om norsk medlemskap i EEC eller EU, som det heiter no, førde til mykje politisk uro og debatt her i landet. Ein debatt som starta på 50-60-talet,og som pågår enno. Det kuliminerte sjølvsagt ved dei to folkerøystingane om norsk medlemskap i 1972 og i 1994. Debatten rundt avstemminga i 1972 førde til splitting og danning av nye parti på venstresida i norsk politikk. Sosialistane som sto bak AIK – Arbeidernes informasjonskontor og Sosialistisk Venstreparti danna «demokratiske sosialister – AIK» for å kunne delta i valkampen som andre prati og få økonomisk støtte. Hovudformålet med denne organiseringa var å samle seg mot høgrekreftene i samfunnet, og organisasjonen hadde eit nært samarbeid med «Folkebeveglsen mot EEC». Berit Ås og Ragnar Kalheim sto sentralt i dette arbeidet. Ho hadde gode kontakter i undervisnings,-forsknings og universitetsmiljøet, og han hadde ein svært sterk posisjon i fagrørsla. I dette programmet bli Berit Ås og Ragnar Kalheim intervjua av Thor Viksveen og Ole Kristen Harborg. Programmet blei fyrste gong sendt i 03.05.1973.

21. august - Abort-debatten

Abort-debatten skape strid og splitting i mange parti. Det var sterke fløyar mot og for Stortingsvedtak om sjølvbestemt abort . Arbeiderpartiets representantar var dei sterkaste talerøra for å vedtak sjølvbestemt abort, kvinnene skulle sjølve få bestemme. Sterkaste motstanden mot «frislepp» av abort, var i Kristelig Folkeparti. I dei andre parti var det også sterk debatt og ulike syn. I Høgre var det sterke synspunkt både for og mot å innføre sjølvbestemt abort. På Landsmøtet i 1980 vedtok partiet at representantane på stortinget skulle fristillast. Det betydde at Høgre ikkje programfeste om partiet var for eller mot sjølvbestemt abort. Det var opptil den enkelte representant å stemme etter sitt samvet – for eller mot fri abort. Abortdebatten førde også til sterk debatt i samfunnet utanfor Stortinget. Her var det særleg prestane Ludvik Nessa og Børre Knutsen som engasjerte seg. Per Lønning gjekk av som biskop i Bjørgvin i protest mot abortvedtaket på Stortinget. I dette programmet deltek dei to Høgre-representantane Kaci Kullmann Five og Lars Roar Langslet for å diskutere Høgres abortpolitikk. Lars Roar Langslet er mot sjølvbestemt abort og Kaci Kullmann Five er for. Programleiarar er Håvard Narum og Arne Strand. Programmet er før sendt 03.05.1980.

Skru på din DAB- eller Nettradio hver tirsdag kl. 07.45, 11.45, 15.45 eller 19.45 på NRK Gull.