Searvá konsearttaide
Iežas muitala Wimme galgat searvat konsearttaide máŋgga guovllus Kiinnás. Eai sus leat gal nu olu vuordámušat, muhto geasaša gal veaháš mojiid go dadjala ahte livččii somá jos Kiinnás oastigoađášedje sus cd:d. Doppe ásset áinnat nu issoras olu olbmot. Ruhta gal dalle boađášii.
Borramuššii illuda
Son illuda gal oalleláhkai beassat máisttašit kiinnalaččaid biepmui, go doppe leat varra earralagan borramušat go Sámis.
WOMEX buvtii dán vejolašvuođa
WOMEX , mii lea máilmme viidosaš musihkkadoallu, dat dat rabai Wimmii vejolašvuođa beassat Kiinái iežas musihkain. Ášši lei áinnat nu ahte kiinnálaččat geat ledje WOMEX-doaluin Danmárkkus diibmá, sii dat fuomášedje Wimme go gulle su musihka doppe, ja nu sii bovdejedje Wimme konsearttaide Kiinái.