Hopp til innhold

Čállán girjji dološ máidnasis

Kristoffer ja Lálla lea Karen Anna Buljo ođđa girjji namma. Dát lea jurddašuvvon nuorat nuoraide, ja erenoamážit bárdniide, muitala girječálli.

Girječálli Karen Anne Buljo
Foto: Anne Olli / NRK

Gula ášši

Čállán dološ máidnasis

Karen Anne Buljo ođđa girji

Karen Anne Buljo ođđa girji

Foto: Anne Olli

Dán girjji lea Karen Anne Buljo čállán vihta jagi áigi, muhto easka dá gieskat almmustuvai dát girjin. Iežas muitala dán girjji čállán muhtin muitalusa vuođul. Muitalusas lei sáhka Kristofferis ja Lállas. Ja das son lea hutkan fikšuvdna muitalusa.

Govva Kristoffer ja Lálla girjjis

Govva Kristoffer ja Lálla girjjis

Foto: Anne Olli

Gonagasbearrašis sáhka

Muitalussii lea son čátnan dáhpáhusa gonagasa bearraša ja su bálvváid birra. Gonagasa nieida lea hui guovddážis girjjis, ja son diehtalasat galggašii gávdnat vuogasis ja buori isida. Muhto de deaivvada son dakkáraččain geainna gal gonagas ii dohkkehivčče nieddaš náitalit.

Nuorra gánddaide lohkamuš

Karen Anne Buljo muitala iežas čállán girjji nuorat nuoraide, ja erenoamážit bárdne mánáide. Dan lohká dán dahkan danne go diehtá ahte bárdnemánáide leat unnán lohkamušat sámegillii. Ja bárdnemánát dáhtošedje eanet gelddolaš muitalusaid, eanet issorat dáhpáhusaid. Dát girji heive gal buohkaide lohkat, muhto eanemusat lea son smiehtadan ahte galggašii girji bárdnemánáide.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.