Ællosámij li guhka ja råhtos biejve, ja dábálattjat li sijájn ienep vahágahttema bargon gå dábálattjat. Dálla soajttá HMS-tjoavddusav buvtadi.
Fysioterapeuta Kristin Sæther tjielggi rumáj ij gierda divna dav bargov majt ællosáme vásedi.
Foto: Sander Andersen / NRK– Dav rassimav mij la nieljekjuvlaga jali skotera nanna tjåhkkåhit biejvijt tjadá, ij la rubmahij buorre, diedet Kristin Sæther, fysioterapeuta Sálatvuomes.
Rumáj dæntjáduvvá
Sån guhti jáhkká ællosábmen viessot la dåssju skotera ja nieljekjuvlaga nanna hávsskudallat, viertti ietjá láhkáj ájádallat. Almma barggobiejvve le ållu ietjá.
Per Ole Oskal váset ållo låsså bargov ællosámen.
Foto: Sander Andersen / NRK– Miján le ållo motorvuoddjem mij ulmutja rubmahav garrasit dænntjá, sierraláhkáj giedajt ja ålgijt. Dåbddu giedas ållu oalge rádjáj, ja suona várkkiji. Soajttá galgajma hárjjidallat rubmahav váj nanniduvvá ja dæntjáv gierddá, javllá Per Ole Oskal Sáltoduoddara tjieldes.
Guorradalli aj psyhkalasj dilev
Vuona ællosámij rijkasiebre (NBR) mielas ij la dåssju rassim rubmaha bieles gå elujn barga. Æládusán la aj psyhkalasj dille, ja dajna l NBRa oadtjum dutkamav jåhtuj mij lagábuv galggá iellem- ja barggodilláj gæhttjat.
– Galggap gåvvit gåktu dille le ællosámij barggobiejven ja barggosajen, tjielggi Vuona ællosámij rijkasiebre (NBR) jådediddje Nils Henrik Sara.
Foto: Liv Inger Somby– Galggap gåvvit gåktu dille le ællosámij barggobiejven ja barggosajen. Gå tjielgadusáv oadtjop, makkir gássjelisvuoda ja buorep biele li, de maŋekájggáj máhttep bargov hábbmit vaj ællosámijda boahtá ávkken, diedet Vuona ællosámij rijkasiebre (NBR) jådediddje Nils Henrik Sara.
Vuorodit HMS-bargov
Ja NBRa bieles la aj ájálvis juokkirak varresvuoda, barggobirás ja sihkarvuodabargov, HMS-bargov, jåhtuj oadtjot.
– Akta diŋŋga mij tjuovvu dákkir guoradallamis, jus boados guoradallamis le ællosámij barggo le rassis ja låssåt, de vierttip vuorodit HMS-bargov, hiejttet NBRa jådediddje.
GEHTJA ÅLLES ÁSSJEV:
