Maŋimuš ođđasat sámegillii

-Álbmot ii oahppan gierdevašvuođa

Antirasisttalaš guovddáža jođiheaddji Kari Helene Partapuoli ii oainne Norgga eanetlogu áddegoahtán maŋimuš jagis dađi eanet unnitlogu dili.

Foto: Brita Åse Norlemann/NRK

Antirasisttalaš guovddáža jođiheaddji Kari Helene Partapuoli mielas ii leat Norgga álbmot oahppan eaktanasat gierdevašvuođa unnitloguide maŋŋá terrora.

Maria Saijets
Máret Eli Buljo

Publisert 24.07.2012 09:59.

Skriv ut
Del/tips

Suoidnemánu 22. beaivvi dáhpáhusaid muitobeaivvi oktavuođas lea máŋgasat dovddahan almmolašvuođas, ahte Norgga álbmot lea oahppan ollu gierdevašvuođa ja čájehišgoahtán eambbo áddejumi unnitlogu áššiide.

Antirasisttalaš guovddáža jođiheaddji Kari Helene Partapuoli mielas dilli lea guhkkin eret nie čuovgat.
- Riikka eanetlohku ii váldde cielaheami doarvái duođas, lohká son.

Das lohká lea buori ovdamearkan garra ságastallan ja cielaheapmi mii lei čavčča válggaid oktavuođas Tromssas sámegiela hálddašanguvlui searvamis. Partapuoli oaivvilda vašuheami duogážis leat go eanetlohku ii dovdda dan unohisvuođa man cielaheapmi dagaha.

Ii jávkka goassige

Romssa sámesearvvi jođiheaddji Sauli Guttorm ii loga dili rievdan maŋŋel terrordaguid, iige jáhke gierdameahttunvuođa goassege jávkat.
- Jáhkán ahte olmmoš álo ohca sivalačča jos mii nu lea alddis funet. Jos dál sápmelaš heivehivččii iežas ja jávkkašii, livččiigo servodat dađi eanet duđavaš dainna? Dan in jáhke mun.