Marja Helena Fjellheim Mortensson lea akte vijhteste goh edtja musihke-prosjekte, Indiginous Song Line, meatan årrodh.
Dæjmetje njoktjen askeste, WITBN- World Indigenous Television Broadcasting Network, dam prosjektem soejkesjamme jih Indigenous Song Lines lea ektiebarkoe ovmessie aalkoeåålmegij tv-stasjovnij gasskemsh eatnemen bijre.
Dejtie lij vihkeles åadtjodh saadthalmetjh abpe Sapmiste, dovne sjanger jih sijjie.
Marja Helena lea saadthalmetje Åarjel-Sápmiste, jih daelie dihte jih Rolf Morten Anti musihke-jielemeguvvie dorjeme jih dihte edtja joejkedh sov jijtjen vuelie.
– Dannasnie musihke lea maam gaajhkesh domtoeh, jih gaajhkesidie lea musihke kultuvresne.
Prosjekten ulmie lea sinsitnide jih eatnamasse musihkem vuesiestidh. Sov musihke-jielemeguvviem tjuetie-vijhteluhkie milliovnh almetjidie sjædta vuesiestidh.
Marja Helena ij daejrieh mejtie båetije biejjide mij daestie sutnjien sjædta ,mohte dihte daajra daate lea luste darjodh daelie.
– Manne barre darjoeminie maam manne tuhjtem lea luste, jih manne tuhjtem lea gaajh luste laavlodh jih jis mij vielie sjædta båetije biejjide im daejrieh, men daelie leam darjoeminie mov favoridte aatem.
