Hopp til innhold

Terroráitta ii bisset vuolgimis Norway Cupii

Jus čiekčamat ordnejuvvojit, de sii vulget ilus Osloi.

Guttelaget i PIL
Foto: Porsanger IL

Sotnabeaivvi álgá Norgga stuorámus spábbačiekčan gilvu Norway Cup. Dohko lea Porsáŋggu IL:a, gánddat mannamin, ja vaikko terroristat leat áitán Norgga, de lohká spábbačiekčanjoavkku jođiheaddji ja vánhen Kurt Peder Rasmussen gánddaid illudit.

- PIL joavku illuda mannat čiekčamiidda, ja dušše jus ii šatta Norway Cup, de eai vuolgge.

Ikte dieđihii Norgga politiijaid sihkkarvuođabálvalus, ahte terroristat leat áitán Norgga fallehit lagamuš boahtteáiggis. Norway Cupa lágideaddji ja hoavda Frode Kyvåg logai ikte NRK:ii, ahte sii eai áiggo vuos buoridit sihkkarvuođa čiekčamiin.

Rasmussen muitala, ahte váhnemat áigot čoahkkanit go jovdet Norway Cupii ja ságastallat maid sii dahkket. Earret eará árvvoštallet, ahte eai mana álbmotčoakkalmasaide, dahje ráđđehusvistiid láhka.

Dán jagi čoahkkanit 30.000 čiekči 50 sierra riikkas Norway Cupii.

Guldal ášši:

Korte nyheter

  • – Alimus Hálddahusriekti bágge ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi
  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset