Hopp til innhold

Vil redde Drømmehagen

Ib Thomsen (Frp) krev at kulturministeren tek affære for å få Drømmehagen tilbake.

Drømmehagen
Foto: BBC

Norsktoppen-nei med Morgan Kane

Anniken Huitfeldt

Kulturminister Anniken Huitfeldt.

Foto: Morten Holm / Scanpix

Bak seg har han ei aksjonsgruppe på over 21.500 Drømmehagen-fans. No må kulturminister Anniken Huitfelt svare Frp innan ei veke.

- Det er viktig å ha ein diskusjon omkring programtilbodet i NRK. Difor har vi mellom anna eit kringkastingsråd der også Frp har ein representant. Det vil vere i strid med kringkastingslova dersom eg overprøver avgjerslene til kringkastingssjefen. Det kjem eg ikkje til å gjere, seier Anniken Huitfeldt.

Vil sende eit signal

Ho synest at det er heilt greitt at politikarar har meiningar om programtilbodet til NRK, men at det er heilt opp til NRK korleis dei legg opp programma sine.

- Vi vil ikkje bryte den redaksjonelle fridomen til NRK, men å gje eit signal er heilt greitt. Dette er kanskje ikkje ei sak for Stortinget, men vi er ombudsmenn for det norske folket, og når så mange som 22 000 vil ha Drømmehagen tilbake bør vi ta det opp, meiner Ib Thomsen.

Stortingsrepresentant Ib Thomsen (Frp)

Ib Thomsen (Frp) meiner kulturministeren må gripe inn.

Foto: Knut Falch / Scanpix

Thomsen meiner at kulturministeren må kunne nemne dette for NRK, utan at ein dermed går inn og styrer. Han viser til at program som Norge Rundt og Løvebakken har vorte nedlagt, men vorte starta opp igjen etter sjåarstorm.

- Eg har veldig mange meiningar om NRK, men eg ringjer ikkje og prøver å påverke korleis NRK legg opp sine program. Eg trur det norske folket skal vere glad for at det ikkje er Stortinget som skal bestemmer kva som til ei kvar tid vert sendt, seier kulturministeren.

Frp har tidlegare kravd at dåverande kulturminister Trond Giske måtte få NRK til å ikkje leggje ned radioprogrammet Norsktoppen, utan at dette førte fram.

- Trassig av NRK

Drømmehagen vart fram til nyttår sendt måndag til fredag kl 17.30, med to-fireåringar som målgrupp. Men no har Drømmehagen vorte flytta til føremiddagane på NRK Super. Det synest ikkje Nils Stokke, programredaktør for NRK Super, er noko stort problem, fordi ein alltids kan ta opp sendingane og vise dei til borna på det tidspunktet ein sjølv vil.

- Programma som går i denne sendeflata er framleis meint for dei minste borna, sjølv om Drømmehagen ikkje lenger går på dette tidspunktet, seier Nils Stokke, programredaktør for NRK Super.

Stokke seier at dei varierer sendeskjemaet ofte, for å skape eit best mogleg totaltilbod.

- Vi visste at dette var eit svært populært program, men at dei nye programma også er det, seier Stokke.

- Eg opplever dette som trassig frå NRK si side, når 21.000 menneske ber om å flytte programmet tilbake, må ikkje NRK vere like trassig som ein fireåring, men heller lytte til lisensbetalarane, seier Ib Thomsen.

Kulturstrøm

  • Sangtekster har blitt enklere, mer repeterende, aggressive og selvopptatte

    Et team av europeiske forskere har analyserte ordene i mer enn 12.000 engelskspråklige sanger, på tvers av sjangrene rap, country, pop, R&B og rock fra 1980 til 2020.

    Ifølge studien, som ble publiser torsdag, har sangtekster blitt enklere og mer repeterende. Tekstene har også blitt mer aggressive og selvopptatte i løpet av de siste 40 årene, skriver The Guardian.

    En av forskerne bak studien, Eva Zangerle, understreker at sangtekster kan være et «speil av samfunnet», som gjenspeiler hvordan en kulturs verdier, følelser og opptatthet endrer seg over tid. Studien trakk ikke frem hvilke artister funnene gjaldt.

    Sangtekster
    Foto: AP
  • Harvard fjerner bokomslag laget av menneskehud

    Prestisjeuniversitetet Harvard sier de har fjernet menneskehud fra innbindingen av en bok de har hatt i ett av bibliotekene sine i over 90 år.

    I 2014 ble det oppdaget at en bok var bundet inn med huden til en død kvinne.

    Harvard, som regnes som det eldste universitetet i USA, har tidligere utnyttet interessen rundt bokens morbide historie. Da det ble oppdaget at det var brukt menneskehud i innbindingen ble det omtalt som «gode nyheter for både tilhengere av innbinding med menneskehud, bokfantaster og kannibaler». I et blogginnlegg samme år skrev Harvard at praksisen med å binde bøker i menneskehud tidligere hadde vært forholdsvis vanlig.

    (NTB)