Hopp til innhold

Alle vil møte Haruki Murakami

Billettane til møtet med den japanske suksessforfattaren Haruki Murakami på Litteraturhuset vart rivne vekk på rekordtid.

Haruki Murakami

Forfattaren Haruki Murakami er svært populær i Noreg, og 23. august kan nokre få heldige høyre han på Litteraturhuset i Oslo.

Foto: Michal Cizek / Scanpix/AFP

– Vi har selt ut billettane på så kort tid at vi ikkje klarer å rekne ut kor kort tid det tok. Men det var nok snakk om sekund, seier Silje Riise Næss, programansvarleg på Litteraturhuset.

Festivalstemning

"1Q84" av Haruki Murakami

Den siste boka til Murakami, 1Q84, har førebeløs berre kome ut på japansk.

Foto: Kazuhiro Nogi / Scanpix/AFP

Inne i Wergelandsalen der den japanske forfattaren Haruki Murakami skal prate 23. august er det plass i overkant av 200 personar, og alle desse billettane vart i dag rivne vekk på rekordtid. Totalt er det lagt ut 530 billettar, og det er framleis att nokre få av dei som ikkje er inne i sjølve salen.

– Visste at det ville verte stort trykk, men det er litt spesielt at ein japansk forfattar sel ut billettar på så kort tid.

Silje Riise Næss fortel at det nesten var musikkfestivalstemning i dag, med folk i kø utanfor kontoret, og mange fortvila menneske på telefon.

– Akkurat i dag er vi lei oss for at vi ikkje har større plass, slik at fleire kunne fått høyrt Haruki Murakami snakke.

– Er det aktuelt å overføre intervjuet direkte på nett?

– Det kan vi dessverre ikkje gjere, for Haruki Murakami stiller aldri opp i audovisuelle media.

Mange Murakami-frelste

Haruki Murakami er ein svært populær forfattar i heimlandet Japan, og i tillegg ein stor fanskare over heile verda.

– Det er ein forfattar ein elskar, bøkene hans har gjeve mange lesarar store leseopplevingar. Og det er eigentleg litt rart at ein liten, sjenert og tilbaketrekt mann kan skrive slike overstrøymande bøker.

I tillegg til sjølve møtet med Haruki Murakami har Litteraturhuset Murakamifestival på Litteraturhuset knytt til Murakami. Murakami-festivalen vert innleidd av Frode Grytten sitt føredrag om Murakami, som nesten har fått kultstatus etter at han heldt det for første gong i 2008.

Kulturstrøm

  • Gåte er fornøyd, men spente

    Til NRK sier Gåte at de er fornøyde med plasseringen de har fått i sin semifinale, men at de samtidig er spente på stemningen i salen etter Israels opptreden.

    Tidligere tirsdag ble det kjent at Norge opptrer rett etter Israel i den andre semifinalen i Malmö 9. mai. EBU har fått kritikk fra flere hold for å la Israel delta.

    Jim Ødegård Pedersen, leder folkejuryen Adresse Malmö, tror det kommer til å gå bra. Men sier at Israels bidrag ikke er det enkleste å opptre etter i år. Også han er spent.

  • Madonna avslutter turné med stor gratiskonsert

    Madonna skal holde en enorm gratiskonsert på Copacabana i Rio de Janeiro 4. mai som avslutning på Celebration-turneen som startet i oktober.

    På Madonnas nettside omtales konserten som hennes «største show hittil». Den er en «takk til fansen for å ha feiret musikken hennes i mer enn fire tiår».

    Madonna
    Foto: Evan Agostini / AP