Forsov du deg i dag?
I det minste sov du ikkje i 200 år, som dei originale sjusovarane.
Foto: Illustrasjonsfoto: Vasiliy KovalDå har du ei god unnskyldning: i dag er sjusovardagen.
Publisert 27.07.2012 14:59.
- Skriv ut
Mange av oss har problem med å ta vekkarklokka seriøst om morgonen. I dag har me ei tynn unnskyldning for å koma seint på jobb: det er den internasjonale sjusovardagen.
Sjusovardagen 27. juli er ein av merkedagane på primstaven. Men, ordet «sjusovar» har ingenting med å sove til over klokka sju, som kanskje mange trur.
Sov i 200 år
Namnet kjem i frå helgenane som blir kalla «dei sju heilage sovarane», dei har vore feira både innanfor kristendommen og islam, opplyser Den Katolske Kyrkja på sine heimesider.
Hovudpersonane i legenda er sju unge kristne menn frå Efesos, i dagens Vest-Tyrkia. Dei nekta å ofra til dei romerske gudane, og vart som straff mura inne i ei hole av keisaren Decius.
Gud lét dei sju falla i ei djup søvn, så dei ikkje kjente tørst eller svolt. 200 år seinare vart hola opna igjen, då vakna dei sju sovarane i trua på at dei berre hadde sove ei natt.
Historia er blitt gjenfortalt som eit døme på keisar Decius si forfølging av kristne. Ein versjon av legenda er teke med i Koranen, noko som gjer at historia er utbreidd også i den muslimske delen av verda.
Ei vêrteikn
«Sjusovar» er blitt eit omgrep i dei skandinaviske språka for folk som søv for lenge. Omgrepet finn ein også i tysk («Siebenschläfer») og ungarsk («hétalvó»), skriv Den Katolske Kyrkja.
Etter gamal tru har datoen mykje å seia for vêret. Om det regner i dag, så kjem det til å regna sju veker framover. Blir det fint vêr denne dagen, så har ein godt vêr i vente dei neste sju vekene.
Statsmeteorolog Kristen Gislefoss har inga tru på dette vêrteiknet, og har tidlegare sagt til NRK:
– Eg vil gjerne forklara veret ut frå nokre fysiske omgrep om dei skal ha meining.
Les meir: Like godt å holde sengen?
Nyeste bildegallerier
Publikums 17. mai-bilderUnderholdningsnyheter
Kulturnyheter
