Ukrainske styresmakter seier allereie nå at dei vil nekte ein del russiske artistar å kome inn i landet, dersom dei skulle bli valt.
LES OGSÅ:
– Her i Ukraina har vi ei liste med artistar som er utestengt frå Ukraina på grunn av deira handlingar eller på grunn av deira utsegn, seier den ukrainske visestatsministeren, Ivanna Klympush-Tsintsadze.
Og at russarane ikkje ønsker å provosere, det er ikkje leiar for den norske grand prix-klubben, Morten Thomassen, sikker på.
– Viss russisk tv har så mykje baller som dei truleg har, så er det ein fare for at dei berre for å lage bråk kan finne på å sende ein av desse, seier Thomassen.
Russarane har ikkje bestemt seg for kven dei skal sende til den internasjonale finalen i Kiev, det må dei gjere i løpet av de næraste vekene.
– Det kan bli rekord i pipekonsert
Jon Ola Sand, som er sjef for det som er verdas største musikkonkurranse.
– Eg ser ikkje nokon grunn til å nekte nokon artistar inngang til Ukraina. Eg har ingen tru på at våre medlemmer vil sende artistar med eit rulleblad som gjør at de ikkje kan komme inn i Ukraina. Det har eg ikkje tro på.
Morten Thomassen førebur seg på pipekonsert, som det også blei då Aserbajdsjan gav 12 poeng til Russland for tre år sidan.
– Enten så kan dei sende ein artist som er bannlyst og ende med at dei ikkje får lov å sende han og trekke seg og lage bråk ut av det. Eller så får dei lov å delta. Og då syns ein jo synd i den artisten som kjem til eit land der han ikkje er velkommen. Då trur eg det blir rekord i pipekonsert, seier Thomassen.
For på scenen i Kiev skal alle konfliktar leggjast til side.