Hopp til innhold

Vil at publikum skal kunne seie opp tv-avtale

Forbrukarombodet ber Canal digital vurdere å la kundane seie opp tv-avtalen, men behalde breibandet. Etter ei veke med forhandlingar mellom Telenor og Discovery har halve Noreg mista signalet til blant anna TVNorge og Eurosport.

Ylvis

Talkshowet til Ylvis er eitt av programma som Canal Digital-kundar ikkje får sjå.

Foto: Anette Torjusen / NRK

Forhandlingane mellom Telenor-eigde Canal Digital og Discovery om kor mykje Discovery-kanalane skal koste førte ikkje fram sist helg. Det førte til at over ein million husstandar mista 13 tv-kanalar over natta.

Men dersom kundane til Canal Digital vil skifte tv-leverandør, er ikkje det så enkelt. I dag er det slik at det er ei tvungen kopling mellom breibandabonnementet og tv-pakkane hos kabelselskapa. Det vil seie at det er eit krav at du kjøper begge produkta hos ein tilbydar.

Vil la kundane få velje

Forbrukerombud

Forbrukarombod Gry Nergård håper kundane til Canal Digital allereie no kan velje tv-tilbydar fritt.

Foto: Roald, Berit / NTB scanpix

Forbrukarombodet har i eitt år forhandla om å oppheve denne koplinga, og i løpet av året er det meininga at dette vilkåret skal falle bort. Forbrukarombod Gry Nergård meiner difor Canal Digital allereie no bør vurdere å la kundane sine velje bort tv-avtalen, om dei ønsker det.

– Denne konflikten viser kor urimeleg det er å krevje at folk skal kjøpe breiband og tv saman. Vi har no bede Canal Digital, når dei likevel skal avvikle denne tvungne koplinga, om å vurdere om kundane allereie no kan få seie opp tv-abonnementet.

– Ikkje gjort over natta

Tormod Sandstø

Informasjonssjef Tormod Sandstø i Telenor seier det ikkje er aktuelt å la kundane velje fritt no.

Foto: Pressebilde

Før helga tok Nergård dette opp med Canal Digital. Men dette er ifølge informasjonssjef i Telenor, Tormod Sandstø, teknisk komplisert å gjennomføre. Det er difor ikkje mogleg å tilby dette over natta

– Det er ein ganske stor jobb vi må gjere for å få dette til. Og den skal vi sjølvsagt gjere på ein skikkeleg og god måte. Og så skal vi vere klare med eit nytt oppsett på tv og breibandprodukta i løpet av året.

Kundane må difor vente til Telenor opphevar bindingane i løpet av året. I mellomtida er striden mellom Telenor og Discovery framleis fastlåst, og det er usikkert når kundane kan få tilbake kanalane dei har mista.

– Vi vel å ikkje kommentere forhandlingane. No lar vi dei gå på arenaene dei går føre seg, men vi jobbar for å få til ei løysing. Og vi håper det kan skje raskt, seier Sandstø.

Kulturstrøm

  • Sangtekster har blitt enklere, mer repeterende, aggressive og selvopptatte

    Et team av europeiske forskere har analyserte ordene i mer enn 12.000 engelskspråklige sanger, på tvers av sjangrene rap, country, pop, R&B og rock fra 1980 til 2020.

    Ifølge studien, som ble publiser torsdag, har sangtekster blitt enklere og mer repeterende. Tekstene har også blitt mer aggressive og selvopptatte i løpet av de siste 40 årene, skriver The Guardian.

    En av forskerne bak studien, Eva Zangerle, understreker at sangtekster kan være et «speil av samfunnet», som gjenspeiler hvordan en kulturs verdier, følelser og opptatthet endrer seg over tid. Studien trakk ikke frem hvilke artister funnene gjaldt.

    Sangtekster
    Foto: AP
  • Harvard fjerner bokomslag laget av menneskehud

    Prestisjeuniversitetet Harvard sier de har fjernet menneskehud fra innbindingen av en bok de har hatt i ett av bibliotekene sine i over 90 år.

    I 2014 ble det oppdaget at en bok var bundet inn med huden til en død kvinne.

    Harvard, som regnes som det eldste universitetet i USA, har tidligere utnyttet interessen rundt bokens morbide historie. Da det ble oppdaget at det var brukt menneskehud i innbindingen ble det omtalt som «gode nyheter for både tilhengere av innbinding med menneskehud, bokfantaster og kannibaler». I et blogginnlegg samme år skrev Harvard at praksisen med å binde bøker i menneskehud tidligere hadde vært forholdsvis vanlig.

    (NTB)