Henrik Bastiansen, medieforskar ved Høgskulen i Volda, leitar fram høgdepunkta frå NRK-historia.
Foto: Gaute Hareide– Dette var første gong NRK Fjernsynet laga ein julekalender. Fjernsynet følgjer oss i alle årstider, også i høgtidene. No er jula utan fjernsyn nesten utenkjeleg for dei fleste.
Bastiansen seier at programma får ei eiga historia, og vert ein eigen tradisjon. Eit døme på det er nettopp Jul i skomakergata.
Serien i 24 delar vart skrive av forfattar Bjørn Rønningen, og skomakar Jens Petrus Andersen vart spelt av Henki Kolstad.
– Han gjorde her ei av sine store roller, kanskje si livs rolle. Skomaker Andersen og det vesle tøydyret Tøfflus sjarmerte alle som såg på, både barn og vaksne.
Suksessen førte til fleire julekalenderar
NRK sende serien om igjen i mange år etterpå, både på 1980- og 1990-talet. Serien vart så populær at NRK laga fleire andre julekalenderar. Slik vart julekalenderen ein eigen sjanger i norsk fjernsyn, med Jul i Blåfjell, Jul i Svingen og fleire andre.
Henki Kolstad som skomakar Andersen og Tøfflus vart ein stor suksess på NRK.
Foto: Jan Nordby / NRK– Dei ville ikkje ha vorte laga dersom ikkje den første serien hadde vorte ein stor suksess og hadde etablert julekalenderen som ei eiga form. Og alle som har sett Henki Kolstad som skomakar Andersen kjem til å hugse det.
Fredag 20. august er det 50 år sidan startskotet for NRK Fjernsynet gjekk. Les og sjå video frå andre viktige hendingar frå historia til NRK:
