– Det er minst 200 plassar vi ikkje får brukt, så det er litt kaos nå, seier dagleg leiar for Birkebeinerrittet, Tone Lien.
Dei hadde førebudd seg på å bruke eit stort jorde ovanfor Håkons Hall som parkeringsplass, men det regnvêr har nå skapt store problem.
Parkeringsvaktene har sitt fulle hyre med å få folk inn og ut av området.
Foto: Reidar Kjæstad / NRKBilar som har kome seg inn på området kjem seg ikkje ut att, og dei friviljuge parkeringsvaktene må regelrett dytte mange bilar ut av dei verste gjørmehôla.
– Parker i byen!
– Mi klare oppfordring er at folk parkerer i byen, og går opp til Håkons Hall, seier Lien.
Ho fortel at dei har prøvd å få sett opp skyttelbussar, men at dei ikkje har klart å få tak i nok sjåførar.
– Problemet er at dei fleste bussan og sjåførane i området allereie er oppteke med å transportere deltakarar.
LES OGSÅ
Køyrer på grus
Arrangørane jobbar samtidig for fullt for å gjere parkeringsfasilitetane best mogleg. Dei har køyrt på mykje grus i forkant, og legg også på grus der det er mogleg i dag.
– Men vi kan ikkje grusleggje heile jordet, seier Tone Lien.
Mange vil få problem når dei skal heim att etter att dei er ferdig med syklinga. - Parker i byen oppmodar arrangørane.
Foto: Reidar Kjæstad / NRK
