INGEN Å SJÅ: Sjølv om politiet var på plass berre fem minutt etter at alarmen gjekk, var innbrotstjuvane borte.
Foto: Ingfrid Fossåskaret / NRKPolitiet fekk klokka 4.42 onsdag natt melding om at alarmen gjekk ved ein gullsmedforretninga Aseco i Åsane senter.
Då politiet kom fram fem minutt seinare var gjerningspersonane borte.
– Det er gjerningsmenn som har komme seg inn på senteret og knust eit utstillingsvindauge, seier operasjonsleiar ved Hordaland politidistrikt, Ole Jakob Malmø.
Slegge på golvet
Då NRK kom til staden på morgonkvisten onsdag låg knust glas og ei lita slegge på golvet i butikken.
Politiet har sperra av eit stort område inne i handlesenteret. Gjerningspersonane har knust seg inn i butikken gjennom eit utstillingsvindauge.
Tjuvane har truleg komme seg inn i handlesenteret via ei dør mot bustadområde på baksida av senteret.
Les òg: Millionverdiar borte etter gullsmedran
KOM SEG UNNA: Stort skadeverk etter at innbrotstjuvar brut seg inn i denne gullsmedbutikken i Åsane senter.
Foto: Roy Hilmar Svendsen / NRKUklart kor mykje som er borte
Politiet har førebels ikkje oversikt over kor mykje innbrotstjuvane fekk med seg frå gullsmedbutikken.
– Men det kan sjå ut som om tjuvane ha fått med seg ein del, seier operasjonsleiaren.
Krimteknikarar frå politiet saumfarar no butikklokalet etter spor etter ein eller fleire gjerningspersonar.
Andre gullsmedtjuveriet på to dagar
Tysdag fekk tjuvar med seg millionverdiar frå ein gullsmedbutikk i Ørsta i Møre og Romsdal.
Politiet reknar med at organiserte internasjonale kriminelle står bak innbrotet i Ørsta.