Opdal sin valkampvideo stoppa

Klubben likar dårleg at Opdal har hatt ei rolle i valkampvideoen til partiet Høgre. Problemet er at videoen er spelt inn på Brann stadion.

I fylgje regelverket får ikkje spelarane lov til å gjere partiarbeid knytta til klubbverksemda.

- Brann ynskjer å vere partipolitisk nøytrale, seier mediesjefen til Brann, Gorm Natlandsmyr til NRK.

Trudde det var eit skuleprosjekt

- Då me i leiinga blei spurde om dette vart det oppfatta som eit skuleprosjekt som Håkon hadde sagt ja til å medverke i. Dagen etter fann me ut at det var ein valkampsvideo det var snakk om, og da valte me å trekke videoen, seier Natlandsmyr.

Kvifor er det så viktig for dykk å vere nøytrale?

- Det står i våre lovar at me ikkje skal meine så mykje om politikk, og heller ikkje livssyn og religion.

Er det eit problem for dykk at Opdal likevel skal vere med i videoen?

- Neida, Håkon Opdal er jo òg ein privatperson. Han må få lov til å fortelje folk kva parti han røyster på. Han kan vere med i videoen så lenge han ikkje gjer det på stadion eller som brannspelar.

Løysinga blir at Opdal skal gjere nye opptak på torsdag utan relasjonar til Brann.

(ntb)