Ein sytten år gamal gut er sendt med ambulanse til Haukeland Universitetssykehus etter at han kolliderte med ein personbil.
Guten skal ha hatt fleire opne brot.
Politiet fekk melding om kollisjonen 14.39, og ulukka skal ha skjedd i Ytrebygdsveien på Søreide i Bergen.
– Han køyrde ein moped, og då personbilen skulle ta inn på ein privat veg, traff han bilen bakfrå, seier Erik Gjesdal ved Hordaland politidistrikt.
Sjukehuset opplyser at guten er alvorleg skada. Han er no inne til operasjon.
Ingen i personbilen var skadd.