– Vi ser positivt på at Ikea kjem til vårt område, til Ålesundsområdet. Det vil gi ein ny dimensjon.
Det meiner Arne Aambakk, styreleiar i Sportsklubben Herd.
Likevel kan IKEA skape store problem for klubben.
Styreleiar i SK Herd, Arne Aambak.
Foto: Herskedal, Kjell / NTB scanpixVil få plassmangel
På måndag blei det klart at IKEA siktar seg inn på Ålesund (og Moa) som staden for varehus i Møre og Romsdal.
Den store tomta på Moa vil derimot fleire ta i bruk.
Det er venta at talet på born i Åse-Lerstad-området i Ålesund kommune aukar, noko prognosane for 2020 viser. Akkurat difor ønskjer Herd meir areal.
– Vi hadde plan om ishall, ein hall og leikeområde, seier Aambakk.
Han fortel at Herd har vore i kontakt og samarbeid med Ålesund kommune i tre år. Korleis ein kan nytte arealet på Moa, like nord for Spjelkavik kyrkje, har vore i fokus.
- Les også:
- Les også:
Ingen lovnader
Likevel har ikkje SK Herd fått ein einaste lovnad.
– Dette skulle sjåast i samanheng med reguleringsplanen som kjem i samband med Lerstad-vegen.
– No håper eg at vi i fellesskap skal finne fram til gode og konstruktive løysingar, fortel Aambakk til NRK.
Han meiner både IKEA og SK Herd kan få plass.
– Eg håper i alle fall det. Eg kjenner ikkje godt nok til dei konkrete planane til IKEA, men det er utruleg kva ein kan få til om ein kjem i lag og diskuterer.
No håper styreleiaren i Herd på ein god dialog med både Ålesund kommune og IKEA.
