– Vi gjekk til væpna aksjon i samband med ei forvaltningssak. Det gjeld våpenlova.
Det fortel operasjonsleiar Korman Garshol i Nordmøre og Romsdal politidistrikt.
Bustaden politiet gjekk til aksjon mot var på Nordlandet i Kristiansund.
– Alt gjekk stille og roleg føre seg. Væpna aksjon var nødvendig for å vere på den sikre sida.
Éin mann arrestert
Garshol har ikkje detaljar om kva våpen det gjeld.
– Men det er eit våpen som er omhandla i våpenlova og som skulle ha vore registrert, fortel operasjonsleiaren.
Ifølgje politiet blei avgjerda om å gå til aksjon teke før i dag.
– Éin mann er no arrestert og sikta for brot på våpenlova. Det er for tidleg å seie kva som skjer vidare i saka, avsluttar Garshol.