På Ålesund museum held Jan Olav Flatmark, utstillingsansvarleg på med den siste finpussen før utstillinga står klar. På veggen heng bilete av Ålesundaren Rønneberg sin krigsinnsats.
– Bileta skal prøve å gi ei innsikt i Joachim Rønnebergs aktivitet under krigen, fortel Flatmark medan han slår inn den siste spikaren.
- Les også:
Historia
HISTORIA: Ålesund museeum vil vise historia og krigsinnsatsen til Joachim Rønneberg.
Foto: Besnik Zogaj / NRKUtstillinga skal vise historia til Rønneberg, frå tida i Ålesund, flukta til Shetland, reisa til England og operasjonane han var med på under krigen.
– Og sjølvsagt får tungtvannsaksjonen ved Rjukan ein vesentleg stor plass i utstillinga, seier Flatmark.
Men det er ikkje den einaste operasjonen Rønneberg deltok på under krigen. Den norske offiseren deltok også i ein aksjonen i Tafjordfjella under andre verdskrig.
Totalt vil det vere ein presentasjon av krigsinnsatsen til Ålesundaren.
- Les også:
Høg profil
– Dersom du ser på denne, så vil du sjå at den er heilt spesiell.
Flatmark viser fram ein spesialsydd støvel som Rønneberg fekk sydd i England før aksjonen. Joachim Rønneberg designa sitt eige utstyr, både til sabotasjeaksjonen mot tungtvannsanlegget på Vemork og overvintringa i Tafjordfjella.
Det nærmar seg opning. Neste laurdag vil museumsutstillinga opne dørene for offentlegheita. Det vil skje i samband med avdukinga av ei ny statue av Rønneberg. 95 år gamle Rønneberg sjølv vere til stades i heimbyen for å avduke statuen.
– Vi meinte det var ei god anledning til å presentere han på ei utstilling her på Ålesund museum. Vi vil prøve å vise fleire sider ved Rønneberg, fortel Flatmark.
Hemmelege operasjonar og ein mann kjent for sin krigsinnsats skaper interesse for utstillinga meiner museet.
- Les også:
– Han er veldig kjent både frå to spelefilmar og fleire bøker både i innland og utland, så det er ein høg profil over Rønneberg og dei operasjonane han har delteke i.
