Overfor NRK er Kurt Oddekalv svært bombastisk, og seier han er sikker på at oppdrettarar slepper ut oppdrettsfisk med vilje.
– Vi veit at det er folk som har skore hol i nøtene. Vi veit at det er kamuflerte rømingar som eigentleg er utslepp av fisk for å få forsikringspengane, seier Kurt Oddekalv til NRK.
Hevdar at langt fleire laks rømer
I dag sym det 369 millionar laks rundt i norske mærder. Tal frå Fiskeridirektoratet syner at til no i år har 250 000 laks rømt frå mærdene. I fjor rømde 187 000 laks. Men Kurt Oddekalv meiner han sit inne med langt betre tal. Desse tala er langt høgare enn Fiskeridirektoratet sine. Han meiner at det er mellom 5 og 10 millionar laks som har rømt.
Øyvind André Haram er informasjonssjef i FHL.
Foto: FHL– Korleis han i all verda klarer å kome fram til dette reknestykket må han nesten gjere greie for sjølv, seier informasjonssjef Fiskeri og havbruksnæringens landsforening, Øyvind Haram.
– Hårreisande påstandar
Øyvind Haram seier at det er fullt mogleg å spore rømt oppdrettsfisk ved hjelp av DNA-analyser. Og har reagerer svært sterkt på påstandane frå Oddekalv, om at oppdrettarar slepper ut sjuk fisk med vilje.
– Dette er heilt hårreisande påstandar, seier Øyvind Haram.
– Ikkje lønsamt å merke fisken
Merking av fisk har vore eit heitt tema i oppdrettsmiljø. Ballen blei lagt død i ein Stortingsproposisjon i 2007. Der blei det konkludert med at det ikkje var lønsamt å merke kvar sinskild fisk, og at ein heller skulle satse på å spore fisk via dna.
– Dette har vore diskutert. Men det har blitt lagt til side, seier avdelingsdirektør i Fiskeri- og kystdepartementet Yngve Torgersen.
– Kva bør ein heller fokusere på då?
– Ein må heller fokusere på å halde fiskane inne i mærdane, seier Torgergsen.
