Sjå video:
– Spesiell situasjon
TV-teamet Tore Ellingseter og Remi Sagen frå NRK Møre og Romsdal var på Alnes på Godøya i Giske for å filme ekstremvêret «Berit».
Ytst ute på kysten er naturkreftene på sitt mest ekstreme, og mange skodelystne var komne til øya for å sjå på vêret.
– Det er ein svært spesiell situasjon. Sjølv hardbarka øybuarar som er vande med sterke krefter, opplever dette uveret som ekstremt. Nokre av dei eldste på øya har rett nok opplevd liknande før, men situasjonen er slett ikkje normal, fortel reporter Tore Ellingseter.
Han skulle snart få kjenne på kroppen kor hardt «Berit» kan slå.
LES OGSÅ:
Storbåre
Teamet var i gang med å lage ein rapport om versituasjonen, då storbåra brått overraska dei.
– Ei kjempebåre som flyttar store steinar, skyl brått over vegen og inn mot husa på Alnes. Plutseleg var vi søkkvåte, fortel reporter Ellingseter.
LES OGSÅ:
– Korleis gjekk det med kameraet?
– Saltvatn er det verste for kameraelektronikken. Eg måtte tømme vatn utav det etterpå. Det er nok øydelagt, må fotograf Remi Sagen konstatere.
Og reporter Tore Ellingseter åtvarar andre mot å bevege seg ut i ekstremvêret.
– I ettertid ser eg at det vi gjorde var farleg. Vi burde ikkje ha bevega oss så langt ut mot havet, seier han.
Sjå TV-reportasjen som teamet laga: