Kristiansund ute av ROBEK-lista

Kristiansund kommune blei meldt inn i ROBEK i 2008, fordi bystyret vedtok å dekkje meirforbruket frå regnskapsåret 2007 over fire år.

For dei sjelene som ikkje er rådmenn, så er ROBEK: «Register over kommunar og fylkeskommunar som må ha godkjenning frå Kommunal- og regionaldepartementet for å kunne gjere gyldige vedtak om låneopptak eller langsiktige leigeavtalar».

Den lista av kommunar i Noreg er ikkje Kristiansund lenger ein del av. Det er derimot mange andre kommunar i fylket.

Tidlegare i år blei det klart at Kristiansund var på veg ut av ROBEK-lista, då både budsjett og nedbetalingsplan var i balanse.

No har altså Fylkesmannen i Møre og Romsdal sendt ut den formelle erklæringa som «reingjer» Kristiansund kommune.