«Lysball», «på størrelse med ein fotball», «den gjekk i sakte fart over himmelen», «den hadde ein glødande gul farge», «den var gul før den gjekk over i blått og raudt».
Meldingane var mange, og folk i heile Midt-Noreg let seg fascinere i morgontimane fredag.
Eit merkeleg lysfenomen blei observert og fleire trudde (eller håpte?) at dei no hadde sett ein UFO.
– Det var no ikkje ein UFO, men ein IFO – identifisert flygande objekt – folk såg, fortel astronom Knut Jørgen Røed Ødegaard.
For den brennande ballen var laga av stein, seier astronomen.
- Les også:
Knut Jørgen Røed Ødegaard er astronom. Sjølv har han sett ei slik eldkule ved eitt høve.
Foto: Studio Vest– Svært kraftig meteor
Røed Ødegaard fekk sjølv inn mange meldingar fredag morgon.
– Ut frå det eg har høyrt så var dette ein svært kraftig meteor, eller det vi kallar ei eldkule. Både farge, oppførsel og fasong tyder på det.
- Les også:
- Les også:
- Les også:
Han trur derimot den var ganske så langt unna.
– Dei sløkkjer gjerne 50–60 kilometer over bakken, og om dei står lågt på himmelen så er dei gjerne 200–250 kilometer i luftlinje unna retninga ein ser dei.
Uvanleg syn
Synet er av det uvanlege slaget.
– Kvart menneske opplever kanskje dette éin gong i livet. Nokre yttarst få opplever det fleire gonger.
– For det går lang tid mellom kvar slik meteor. Det er kanskje 1–3 eldkuler i Noreg kvart år, fortel Røed Ødegaard til NRK.no.
Han veit ikkje kva type meteor det er, men den kan fort ha landa.
– Men den har i tilfelle landa langt vekk frå der den blei observert.
- Les også:
Saka held fram under bildet.
Knut Jørgen Røed Ødegaard let seg fascinere av den store eldkula som fauk over himmelen i Midt-Noreg fredag morgon. Her er han tidlegare år med ein meteoritt i handa.
Foto: Bendiksby, Terje / SCANPIX– Noko ekstraordinært
For ut frå kva astronomen har høyrt, har meteoren truleg nådd bakken.
– Dette er noko ekstraordinært, for det er ikkje vanleg å få sjå slike. Eg har sjølv sett ei slik eldkule ved eitt høve, i mars i år faktisk.
For dette er ting ein plutseleg kjem over.
– Vi veit nesten aldri om dette på førehand. Vi kan vite om stjerneskotsvermar av og til, som vi då varslar, og desse kan medføre eldkuler.
– Men dette er sjeldan, og ein får uansett ikkje eldkuler på størrelse med denne, avsluttar Røed Ødegaard, som håper folk likte synet dei såg fredag morgon.
- Les også:
- Les også:
Sveinung Gjerde i Gjerdsvika såg nok ikkje ein UFO, men ein svær meteor er uansett eit uvanleg syn.
Foto: privat
