Av
Egil Torheim og
Ingvil Teige Stiegler
Dette er ein enkel å måte å laga påskemiddag på.
Ta eit heilt kje- eller lammelår. Dryss over med urter og dei krydder du likar best. Timian eller rosmarin og litt pepper gjer susen.
- Dette kan du gjera kvelden før, eller om morgonen før du skal på skitur, seier kokk Gunnar Nagell Dahl. Han er mat-attaché hos Fylkesmannen.
Gløym låret
Pakk heile låret inn i aluminiumsfolie og legg det i ei langpanne.
 |
| Påskemiddagen er ferdig når du kjem tilbake frå skituren. Foto: Egil Torheim/ NRK. |
Så kan du gløyma maten til like før du skal eta.
Dersom du har veldig god tid stiller du steikeovnen på mellom 70 og 80 grader og let det stå i inntil 12 timar.
Vil du servera litt raskare kan du setta ovnen på mellom 100 og 125 grader. Det heile er ferdig etter 4–5 timar.
Tilbehør
Som tilbehør anbefalar vi blomkålstuing og råsteikte poteter.
La det heile klargjera seg mens du er ute på ski eller gjer noko anna kjekt i påska.
God påske!
Tips andre om denne saken
Utskriftsvennlig versjon
