Nevstad til Molde?

Tippeligalaget har kontakta Hødd-leiinga og håpar å sikre seg midtbanestrategen snarast råd.

Direktør i Molde Fotball, Espen Silseth, seier dei håpar å ha Nevstad klar til kampen mot Fredrikstad om vel ei veke.

Nevstad har også tidlegare vore Molde-spelar, men har dei siste sesongane vore svært viktig for Hødd.

For få veker sidan ønskte også divisjonskollega Aalesunds Fotballklubb å knyte til seg Nevstad, men då sa Hødd nei.

Dersom det lukkast for Molde å hente Nevstad, kan han erstatte Magnus Kihlberg, som er skadd.