Planane om bygging av gasskraftverk i Fræna blir stort sett godt mottatt av politikarane i fylket.
Av
Trond Vestre og
Ivar Eidheim.
Tafjord Kraft, Istad og Hustadmarmor står bak desse planane som mellom anna inneber at ein stor del av CO2-gassen og spillvarme frå gasskraftverket kan brukast i produksjonen hos Hustadmarmor.
– Positivt
|
Petter Løvik (Foto: NRK) |
Dette er eit spennande prosjekt og svært positivt, meiner Petter Løvik frå Høgre.
– Kraftsituasjonen er såpass prekær i Møre og Romsdal at noko må vi gjere, og dette er eit vel muleg tiltak, seier han.
Heitt valkamptema
Ja eller nei til gasskraftverk er eitt av dei store stridsemna under valkampen her i fylket. Skal vi setje i gang no, med den teknologien som er tilgjengeleg i dag, eller skal vi vente til vil har teknologi som kan rense CO2-gassen. Dette er eit spørsmål som skaper usemje i begge regjeringsalternativa.
– Steg i rett retning
|
Modulf Aukan |
Modulf Aukan frå KrF ønskjer ei brei satsing der ein tenkjer nytt for å møte det store kraftunderskotet i Møre og Romsdal. Pelletsverk er eitt døme på dette, meiner han. Men også det planlagte gasskraftverket i Fræna er eit steg i rett retning fordi dei vil få opp verkningsgraden ved å ta i bruk både spillvarme og ta i bruk CO2 som råstoff i produksjonen, meiner Aukan.
|
Bjørn Jacobsen |
– CO2-rensing må til
Gasskraftmostandaren Bjørn Jacobsen frå SV, meiner det planlagde prosjektet i Fræna er interessant, men seier det framleis er langt fram til eit CO2-fritt gasskraftverk. Går alt etter planen skal gasskraftverket stå ferdig i 2010, men Jacobsen trur prosjektet har ein lang veg å gå.
– Ingen regjeringsalternativ er i stand til å hoste opp eit fleirtal for noko som helst, seier Jacobsen.
Han trur ikkje det blir nokon fortgang før det er funne ei ordning på rensing av CO2.