Mykje tele i jorda etter ein lang kuldeperiode og store mengder nedbør på kort tid er ingen god kombinasjon. Og dette merkast.
Fleire stader er det måndag problem med overflatevatn, og på vegen og Utvikfjellet mellom Byrkjelo og Utvik er det så ille at Vegtrafikksentralen oppmodar folk om å velje ein annan veg om dei kan. Vatnet renn i strie straumar nedover vegen.
– Det er veldig vanskelege køyreforhold, med mykje overflatevatn. Dette skal spesielt gjelde på Byrkjelo-sida, opplyser Jan Erikstad ved Vegtrafikksentralen i Lærdal til NRK.no ved 17.20-tida.
Like før klokka 19.30 melder Statens vegvesen at vegen kan bli stengd på kort varsel.
SISTE: Vegvesenet har bestemt av vegen blir stengd frå klokka 21.
- LES OGSÅ:
Ber folk velje annan veg
Folk som kan blir bedne om å velje vegen via Anda-Lote og Nordfjordeid i staden.
Erikstad seie dei har folk på plassen som jobbar med å leie vatnet vekk frå vegen. Desse vil truleg jobbe på staden utover kvelden.
Det er i området mellom hyttefeltet på toppen av fjellet og avkøyrsla til Breimsbygda at problema med overflatevatn er verst.
(Artikkelen held fram under biletet)
– Ta det med ro
Ein bilist NRK har snakka med som kom over fjellet seint måndag ettermiddag seier ein må ta det med ro.
– Folk bør ta det med ro, eller så kan ein få kraftig vassplaning, seier kvinna.
Erikstad seier dei har fått mange telefonar i løpet av dagen, og at det er meldt om problem med overflatevatn og isnedfall over heile fylket.
Både riksveg 13 over Vikafjellet og fylkesveg 337 til Veitastrond er stengde på grunn av ras. I tillegg er fylkesveg 92 Bjordalen-Stordalen stengd grunna rasfare, og fylkesveg 451 mellom Kjøsnes og Vassenden er stengd grunna steinras.
- LES OGSÅ: