Krev hybelhus for ungdom

Medan elevane i heimkommunen får hjelp med skulegongen og kvardagen elles, dett dei ut av systemet når dei flyttar vekk frå heimkommunen.

Vil ha hybelhus med døgnbemanning

I skulebygda Sogndal merkar barnevernet problemet. Clara Øberg meiner løysinga er hybelhus med vaksen døgnbemanning.

På fylkesårsmøtet til Arbeiderpartiet kravde ho at regjeringa gjer det mogleg å byggje slike hus.

Øberg meinar at barnevernet har pengar nok til å bemanne hybelhus, men i dag manglar dei ordningar som gjer at slike hus kan finansierast. Ho ser føre seg at husbanken kan finansiere, og at kommunane der elevane kjem frå samarbeider om drifta.

Hill-Marta Solberg vil ikkje love noko

Øberg set sin lit til regjeringa, og ber om midlar slik at kommunane kan byggje slike hybelhus.

Arbeiderpartiet sitt slagord i årets kommuneval er - Alle skal med. Likevel vil ikkje nestleiaren i Arbeiderpartiet, Hill-Marta Solberg, love noko som helst.