Stryn kommune gav Åslaug Haga og ektemannen Bård Hopland 7.500 kroner i bot for at dei i si tid sette opp ei bryggje utan løyve.
Les også:
Ikkje heimel
Men vedtaket i bygningsrådet er nok litt forhasta. Det seier seksjonsleiar for byggjesaker- og regulering i Stryn kommune, Kolbjørn Nilsen.
- Det er ikkje mogleg å gje dei bot. Då må det først sendast ut eit varsel om tvangsmulkt. Men, no har dei fått løyve til tiltaket og då har ein ikkje heimel til å gje bot. Så dette må bygningsrådet sjå nærmare på, seier Nilsen.
Fylkesmannen
Stryn kommune har vore i kontakt med Fylkesmannen i Sogn og Fjordane om denne saka.
- Han stadfestar det eg seier til deg no, fortel Kolbjørn Nilsen.
- Kva blir gjort vidare?
- No er det jo ein klagefrist på tre veker. Når den er gått ut, så får vi ta ei runde med bygningsrådet og revurdere det vedtaket som dei gjorde. For vi har nok ikkje nokon moglegheit til å bøtlegge Haga og ektemannen, seier Nilsen.