Den mykje omtalte K2-ulukka i Pakistan 1. august der nordmannen Rolf Bae omkom, hadde òg nokre offer som har vore mindre framme i vestlege media.
Ein nepalesisk breførar i Jostedalen misste to familiemedlemer i klatreulukka. Både svogeren og nevøen omkom.
God respons
Nepalesaren Tshering Pande Bhote har no to enkjer og tre born han skal forsørgje.
Han livnærer seg som breførar i Jostedalen på sommarstid, og no vil kollegaene hjelpe han økonomisk. Jostedalen breførarlag har oppretta eit støttefond. Så langt har det kome inn nærmare 60 000 kroner.
- Responsen har vore voldsomt god. Det er tre vekar sidan vi tok initiativet, og oppropet har spredd seg både her i landet og i utlandet, seier Steinar Bruheim i Jostedalen breførarlag.
Pengar til skulegang
Mange frå fjell- og ekspedisjonsmiljøet har gjeve pengar til støttefondet.
- Pengane vil finanisere skule og utdanning for borna i mange år framover, seier Bruheim.
Tshering Pande Bhote er i Jostedalen for tredje sommar på rad. I midten av september reiser han tilbake til Nepal der det etter buddhistisk tradisjon skal vere ei minnemarkering av dei to omkomne.
Støettefondet har kontonummer 3785 12 75704.