For verkjennaren frå Røyrvika ved Vadheim kan ikkje love snø i julehelga i år heller. Derimot meiner han det ser ut som at det kan bli ei kvit nyttårshelg.
- Reprise av sist vinter
Og når det gjeld resten av vinteren meiner Skildheim at det blir ein reprise av 2008-vinteren.
- Det vil seie at det blir veldig skiftande, med varmt og kaldt, tørt og vått om kvarandre. Sprengkulde kan det og bli, men berre i periodar, og det blir ikkje mykje snø, seier Magnus Skildheim til avisa Ytre Sogn.
- Sein vår
Han meiner elles det blir ein sein vår.
- Lauvet heng på trea enno, og di lengre det heng på, di seinare kjem våren.
- Trefte bra i år
No bør det seiast at det ikkje er alltid Skildheim har hatt full klaff med verprognosane sine, men i år meiner han at han har treft bra.
- Alt tidleg i vår sa eg at vi kunne vente oss ein langt betre sommar enn vi hadde i fjor, og eg sa at første delen av hausten kom til å bli tørr.