– Eg tykkjer det har fungert veldig bra, og vil råde Askvoll kommune til å vere med, seier Malones.
Politiet i indre Sunnfjord har eit samarbeid om jaktoppsyn med kommunane Gaular, Fjaler, Førde og Naustdal.
Kvar av kommunane betaler 10.000 kroner slik at politiet kan drive oppsyn utanom normal arbeidstid.
– Meir synleg
Askvoll kommune vil ikkje vere med, og meiner det er feil å nytte kommunale ressursar på ei oppgåve politiet allereie er pålagt å gjere.
– Eg trur det er viktig for jaktmoralen at politiet er meir synleg. Dei har knappe ressursar, og dette samarbeidet er ein måte å betre det på, seier Malones.