Det var den 88 år gamle Arne Seim frå Øvre Årdal som omkom etter brannen i natt til fredag. Det kan politiets operasjonssentral stadfeste.
88-åring var i huset i Øvre Årdal då det byrja å brenne, og han døydde av skadene han pådrog seg. Det opplyser AMK Førde.
- LES OGSÅ:
(ARTIKKELEN HELD FRAM UNDER BILETET)
Henta av røykdykkarar
Mannen vart frakta til Førde sentralsjukehus med luftambulanse. Han døydde kort tid etter at han kom til sjukehuset.
Det var røykdykkarar som henta mannen ut av det brennande huset natt til fredag. Mannen var i andre etasje i huset då brannen starta.
Kvinna i 80-åra som også var i huset då det byrja brenne er no på sjukehuset i Lærdal.
- LES OGSÅ:
Kjenner ikkje brannårsaka
Alarmsentralen fekk melding om brannen klokka 00.54. Flammane skal då ha stått ut av vindauga i 2. etasje.
Men politiet veit førebels lite om årsaka til brannen.
– Årsaka kan ein ikkje seie noko om endå. Det vil bli etterforska vidare av Årdal lensmannskontor. Politiet har endå ikkje vore inn i bygget for å undersøkje nærmare, seier operasjonsleiar Inge Verøy ved Sogn og Fjordane politidistrikt.