Ektepar såg bjørn i Stryn

-Vi skulle til å gå ned bakken mot innkøyrsla til badedammen då vi såg bjørnen stå oppreist ved den spinkle bjørka tett inntil Vinsryggvegen, fortel Hanne Smolan til fjordingen.no .

• LES OGSÅ: Bjørn observert i Hyen

Stod 20 meter frå dei

Ho fortel til avisa at bjørnen stod 20 meter frå dei, midt i det populære turområdet.

• LES OGSÅ: Trappar ned bjørnejakta

- Vi rygga stilt tilbake og gjekk same vegen som vi kom, seier mannen Vidar Smolan.

• HØYR:

Varsla om hendinga

Ekteparet er på hytta ved Tonningsetra på fjellet, og reiste tilbake dit for å varsle om kva dei hadde observert. Dei informerte snikkarar som var på nabohytta. Dei tok deretter kontakt med rovviltkontakt i Sogn og Fjordane, Ingolf Folven.

• HØYR:

Han var på staden måndag ettermiddag og studerte området utan å finne spor, men meiner ekteparet kunne ha observert ein streifbjørn.

• LES OGSÅ: Fann nytt sauekadaver i Lærdal

Sporhundar på søk

To viltsporhundar var også på staden og søkte i retning Svingesetvatnet på fjellet.

Folven seier at den eine hunden i samband med søket fatta interesse for eit bjørketre på staden. Her var det merker som kan tyde på at bjørn har vore der.

-Ein eventuell bjørn kan allereie ha kome langt, men det er kanskje grunn til å tenkje litt på buskapen ute, seier Folven.