Ifølgje Sogndal sine eigne statistikarar har laget aldri vunne eit borteoppgjer mot Bodø/Glimt.
FØLG KAMPEN PÅ NRK.NO FRÅ KLOKKA 15.30:
- Heile kampen gratis nett-TV
- Tekstoppdatering minutt for minutt
- Kampen går også dirkete på NRK1
Sju tap - fire uavgjort
Etter 11 forsøk på Aspmyra har Sogndal sju gonger reist heim med tap. Fire av kampane har resultert i uavgjort. Verdt å merke seg er det også at det er på heimebane Bodø/Glimt, som ligg på kvalikplass til eliteseriespel, jamt og trutt har plukka poeng i år.
Då laga møttest på Fosshaugane i vårsesongen, sikra Håvard Flo 1-0-siger til heimelaget.
Artikkelen held fram.
Hadde spelefri sist helg
Bodø/Glimt hadde sist helg spelefri grunna kansellert kamp mot konkursråka Lyn, mens Sogndal vann 2-1 heime mot Alta. Slik sett er bør Glimt stille med friske bein, men Sogndal er som kjent i flytsona og har plukka trepoengarar som perler på ei snor i haust.
Sogndal toler tre tap
Og om statistikken på Aspmyra er trist lesnad, talar tabellen i 1. divisjon til fordel for Sogndal. Med seks kampar att å spele, inkludert søndagens oppgjer, kan Sogndal med 11 poengs luke ned til kvalifiseringsplass tole å gå på tre tap. Laget kan også ta med seg eit uavgjort resultat utan at det – uavhengig av dei andre laga sine resultat – får følgjer for opprykket.
Ifølgje sogndalfotball.no reiste laget med buss til Gardermoen laurdag, der dei tok fly til Bodø. Der venta trening på kunstgraset og overnatting på hotell.
Sogndal-troppen mot Glimt:
- Piotr Leciejewski
- Joe Bendik
- Per Egil Flo
- Even Hovland
- Lars Grorud
- Mats Solheim
- Thomas Ness
- Isak Scheel
- Vegar Gjermundstad
- Henrik Furebotn
- Ole Jørgen Halvorsen
- Barry Kader
- Espen Olsen
- Tommy Øren
- Joakim Rudolfsen
- Ulrik Flo
- Håvard Flo