– Det er første seniormeisterskapstittelen min, og er framleis junior. Løftinga stemmer bra, sjølv utan formtopp. Så dette lovar godt, seier 20-åringen frå Førde.
Fire medaljar og lagsiger
Og Varlid sin gullmedaljei klasse 105+ var berre toppen av kransekaka då Nordisk meisterksap gjekk av stabelen på Spydeberg i Østfold laurdag.
SØLV: Sindre Rørstadbotnen er framleis berre 18 år, men i nordisk seniormeisterskap tok han likevel sølvmedalje.
Foto: Rune Fossum / NRKSindre Rørstadbotnen (18) tok sølv i sin klasse. Det same gjorde Yngve Apneseth, mens Steinar Kvame tok bronse i sin klasse. Løftarane frå Tambaskjelvar IL i Naustdal vann i tillegg lagkonkurransen.
– Dette heng høgt
– Det er veldig kjekt. Ein nordisk seniormeisterskapstittel heng høgt. Eg hadde ikkje planar om å ta ein slik før om eit par år, så eg er veldig godt fornøgd, seier Varlid til NRK.
Han vart ståande med 150 og 180 kg som medførte eit klart gull i den tyngste klassen. Han hadde også ei god vendig på 185 kg ,men gjekk tom før overstøytet.
– Det stemte veldig bra teknisk. 150 i rykk har aldri vore så lett, fastslår sunnfjordingen.
Takkar trenaren
Han gir trenar Gunnar Reiakvam æra for den gode laginnsatsen.
– Dette var taktisk løfting. Vi må takke trenar Gunnar Reiakvam som gjer ein kjempejobb med karane, seier den nybakte meisteren.
No ventar junior-EM om tre veker for Varlid og Rørstadbotnen.
DEN EINASTE, FØREBELS... Tidlegare toppidrettsutøvar Stian Grimseth har oppnådd meir enn nokon annan løftar frå Sogn og Fjordane. Vebjørn Varlid har som mål å bli minst like god.
Foto: NRK / NRK– Eg heng litt etter i støyt, men i rykk kan ein vel alt seie at eg er blant dei beste i Europa. Eg har rykka 162, så eg skal komme meg inn blant dei seks-sju beste og håpar på medalje.
Målet: OL i 2016
- LES OGSÅ: – Han er den nye Stian Grimseth
Varlid som av mange er rekna for å vere den neste Stian Grimseth, satsar no for fullt på idrettskarrieren.
– Eg har sett meg høge mål om å komme til OL og gjerne vere med å kjempe om medaljar der i 2016 – 2020. Men det er lang veg å gå, seier løftaren frå Førde.