Kystbyen går forbi Førde som vanlegvis har hatt dei høgaste pbustadprisane.
Tusenlappane forsvinn fort
No kostar det 15859 kroner per kvadratmeter einebustad du vil kjøpe deg i Florø. Det er ei auke på 9,8 prosent i følgje tal frå Statistisk sentralbyrå.
I Førde er talet 15796 kroner per kvadratmeter i einebustad.
Sel for få bustader
SSB treng eit visst kjeldegrunnlag for å gjere sine utrekningar, og det er ikkje alle kommunane i fylket som kjem med på lista over bustadprisar. Det vert nemleg solgt for få bustader for å komme med i statistikken.
Det same melder Eff, Eiendomsmeglerforetakenes Forening. Der er ikkje Sogn og Fjordane med i talmaterialet.
- Dette arbeider vi med, og i løpet av året håpar vi at vi kan ha Sogn og Fjordane med i statistikkmaterialet vårt, seier Hanne K. Railo dagleg leiar i Eff.
Høge prisar
Skal du kjøpe deg eit hus i Sogndal må du ut med 14918 kroner per kvadratmeter einebustad.
Den gjennomsnittlege prisen per kvadratmeter einebustad i fylket var i 2010 12676 kroner.
For småhus låg prisen per kvadratmeter på 17684 og for ei blokkleilegheit måtte du i snitt ut med ein sum per kvadratmeter på 22603 kroner.
Auka overalt
I heile landet steig byggekostnadane i 2010 med 3,6 prosent samanlikna med året før viser tal frå Statistisk sentralbyrå. Materialkostnadene steig med 3,5 prosent i den same perioden.
Kostnadene for einebustader av tre og bustadblokker auka begge med 0,1 prosent frå november til desember i 2010.
I den same perioden steig materialkostnadene også med 0,1 prosent for begge bustadtypane.