- Det var det totale kaos som møtte oss, sa Eivind Bjørke då retten vart sett på Nordfjordeid onsdag.
Han var førstemann frå politietaten på staden, og vart i retten beden om å gje eit anslag over kor stor fart ulykkesbilen hadde.
LES OGSÅ:
Bjørke kunne ikkje gje eit godt svar, men meinte bilen iallfall måtte ha hatt meir enn 60 kilometer i timen i svingen. Fartsgrensa på staden er 80 kilometer i timen.
Sentralt i saka tysdag var dekka på ulykkesbilen. Sakkunnig Torgeir Bang frå Vegvesenet vurderte framdekka som lovlege, men at mønsteret på bakdekka var svært dårleg.
Retten skal onsdag ettermiddag vidare på synfaring på ulykkesstaden på Haus. Deretter ønskjer ein å ta ein kikk på ulykkesbilen.
SENTRALE: Bildekka var sentrale i rettssaka tysdag.
Foto: Vidar Gudvangen / NRK