Uvêret stengjer mange vegar

– Det er ruskevêr og spesielt på fjellovergangane har dette skapt problem, opplyser vaktoperatør Arne Stadheim ved Vegtrafikksentralen i Lærdal.

Fleire vegar er stengde, og det er lokalt stor snøskredfare i fylket, også Hordaland og Møre og Romsdal.

Desse vegane er stengde:

• Rv 5 langs Kjøsnesfjorden steng på grunn av snøras.
• Rv 13 Vikafjellet: Stengt på grunn av snøras.
• Rv 15: Strynefjellet: Stengt på grunn av fare for ras. Ny vurdering klokka 09.
• Fv 13 Dragsvik–Vetlefjorden (Sandskreda bru): Stengt på grunn av snøras.
• Fv 13 Dragsvik-Gaularfjellet, ved Mel: Mellombels stengt på grunn av snøras.
• Fv 53 Øvre Årdal–Holsbru: Stengt på grunn av snøras ved Jåteli.
• Fv 53 Tyin–Årdal: Stengt på grunn av uver.
• Fv 55 Balestrand–Dragsvik (Esebotn bru): Stengt på grunn av fare for ras.
• FV 55 Balestrand-Høyanger (Flesje bru): Stengt på grunn av ras.
• Fv 92 Vik–Arnafjord: Stengt på grunn av snøras.
• Fv 93 Nautsund–Vadheim, ved Heldalsheia: Stengt på grunn av fare for ras.
• Fv 152 Ulvestad (Balestrand): Stengt på grunn av snøras.
• Fv 181 Legdene-Feios: Stengt på grunn av jordras
• Fv 182 Feios-Fresvik, ved Djupevik: Stengt på grunn av snøras.
• Fv 241 Gudvangen–Bakka, ved Bakka: Stengt på grunn av fare for ras.
• Fv 331 Urnes–Skjolden: Stengt på grunn av snøras.
• Fv 337 Hafslo–Veitastrond: Stengt på grunn av snøras.
• Fv 453 Klakegg-Fonn, ved Veiteberg: Stengt på grunn av flaum.
• Fv 481 Storehagen-Botnen: Stengt på grunn av flaum.
• Fv 611 Stavang–Naustdal, ved Frammarsvika: Stengt på grunn av flaum. Venta opna i løpet av tysdag morgon.
• Fv 613 Tvinnereim–Blekesvingen: Mellombels stengt.
• Fv 614 Grov–Stårheim (Haukåtunnelen–Myklebust): Stengt på grunn av rasfare.
• Fv 615 Storebru–Sandane (Hyen–Hestenesøyra): Stengt på grunn av jordras.
• Fv 691 Gjengedal–Aa bru: Stengt på grunn av snøras.
• Fv 722 Storesunde–Flo: Stengt på grunn av fare for ras.
• Fv 723 Bødal–Loen: Stengt på grunn av snøras.
• Fv 724 Briksdal–Olden: Stengt på grunn av fare for ras.

Vegtrafikksentralen åtvarer spesielt bilistar på E16 mellom Gudvangen og Voss om mykje vatn i vegbana og fare for vassplaning.

– Men dette gjeld mange stader. Særleg stader der snøkantar hindrar vatnet å komme ut av vegen. Det er store nedbørsmengder som har komme ned, seier Stadheim.

• SJÅ OPPDATERTE VEGMELDINGAR HER

Ein innringar fortel at det måndag morgon rasa jord ned i på fylkesveg 609 mellom Askvoll og Førde, ved Heilvang. Det kjem litt brått på, men er passering. Ein annan innringar fortel om is i vegen fleire stader på fylkesvegen mellom Eldalsen og Sande i Gaular.

• SJÅ NETTKAMERA FRÅ HEILE FYLKET

Regnet held fram

Vêrvarslinga på Vestlandet varslar måndag sørvestleg stiv og periodevis sterk kuling på kysten. Utsette steder, opp i full storm ved Stad.
I kveld minkande til liten kuling, stiv kuling ved Stad.

Regn, snø over 1000-1200 meter. Lokalt store nedbørsmengder.

• SJÅ DETALJERT VÊRVARSEL PÅ YR.NO