Ved fem-tida natt til søndag fekk politiet melding om at det var sett fyr på ein russebil på Festplassen i Førde.
Nokon hadde kasta brennane papp under bilen til åtte russejenter, men ein handlekraftig forbipasserande fekk sløkt brannen.
- LES OGSÅ:
- LES OGSÅ:
Russefest på staden
Vaktoperatør Frode Eide ved Alarmsentralen Sogn og Fjordane seier det er snakk om sekund før bilen hadde tatt fyr.
– Det er ikkje spesielt smart å kaste brennane papp under ein bil. Det kan fort begynne å brenne og utvikle seg til ein bilbrann, seier Eide til NRK.no.
Brannvesenet rykte ikkje ut til hendinga i natt. Nettopp på grunn av det snartenkte vitnet som fekk sløkt brannen etter kort tid. Personen hadde fått tak i eit brannslukkingsapparat og klarte å slukke ilden.
Det var russefest på staden i natt, og mange russ var samla i området.
- LES OGSÅ:
Politiet vil ha tips
– Hadde ikkje personen handla kunne dette blitt dramatisk. Det var veldig avgjerande at han fekk sløkt brannen, visst ikkje hadde det tatt laust. Han avverga ein bilbrann fordi han handla så raskt som han gjorde, seier Eide.
Ein politipatrulje vart send til staden. Politiet veit ikkje kven som står bak, og ønskjer tips i saka.