Telenor sine store problem fredag kveld skapar utfordringar for naudetatane. Folk har problem med å få kontakt via mobiltelefon med blant andre AMK-sentralen på tlf 113.
- Vi har vanskar med å få inn telefonar til AMK-sentralen. Ambulansepersonellet vårt har også vanskar med å kommunisere via mobiltelefon. Fastnettet skal fungere så vi kan kontaktast via det, alternativt kan ein oppsøke legekontor eller ambulansestasjonane, seier ambulansesjef Stian Sægrov.
Operasjonsleiar ved Sogn og Fjordane politidistrikt, Arild Stokkereit, opplyser til NRK at heller ikkje der kan folk ringe med mobiltelefon.
– Vi må oppmode folk som er i naud om å bruke fasttelefon der det er mogleg. Våre mannskap ute i felten er sett opp med radiosamband no i kveld, opplyser Stokkereit.
Les:
- Vi opplever for tida feil på mobilnettet vårt Det kan tyde på at det er ein større fellesfeil som rammar fleire landsdeler, og vi ventar fortsatt på informasjon rundt dette. Vi vil kome med oppdatering fortløpande etterkvart som vi får meir informasjon. Vi beklagar ulempene dette medfører, skriv Telenor på Facebook-sidene sine.
Andre mobilnett skal fungere bra, mellom anna NetCom.