Sogndal tapte den dramatiske cupkampen mot Brann i Bergen. Stillinga var 1-1 etter ordinær tid, og 2-2 etter ekstraomgangar. Brannspelarane makta å halde hovudet kaldt under straffesparkkonkurransen og vann til slutt 5-4. For Sogndal stoppa dermed årets cupreise i 4. runde.
Brann opna best
Brann starta 1. omgang best og fekk den fyrste målsjansen etter åtte minuttar, då Diego Gustavino kom til skot frå 12 meter som gjekk rett utenfor stengene til Kenneth Udjus. Bergensarane stog høgt med heile laget og gjorde livet tidvis surt for Sogndal-forsvaret. Med litt betre presisjon kunne det ha blitt farleg for sogndølene.
Sterk avslutting
Etter ein halvtime skifta kampen karakter, og Sogndal fekk sin fyrste store sjanse etter 33 minuttar, då ein lang ball blei slått inn i feltet og nydeleg lagd att, men skotet blei redda av keeperen til Brann.
Tre minuttar etter kom skåringa: Even Hovland fyrte laus frå vel tjue meter, og ballen lurte seg forbi den tidlegare sogndalkeeperen Leciejewski og i mål.
Etter skåringa tok Sogndal over spelet og hadde endå ein stor målsjanse like før pause.
Tradisjonsrikt oppgjer
Den fjerde runden i NM-cupen for menn og vestlandsoppgjeret starta klokka 18 på Brann stadion. Det er 35 år sidan Brann slo Sogndal 2-1 i cupfinalen.
- LES OGSÅ:
- FØLG KAMPEN MINUTT FOR MINUTT
For eit par veker sidan tapte Sogndal 2-0 i ein seriekamp mot Brann. Kanskje dei klarar revansje i kveld? Du kan sjå kampen i nett-TV her, eller følgje den minutt for minutt via tekstoppdatering.
- LES OGSÅ:
Dette er troppen som trenar Harald Aabrekk har teke ut til kampen:
Kenneth Udjus - Mats Goberg Solheim Vegard Heggenes Gjermundstad - Even Hovland - Per Egil Flo - Ahyee Aye Elvis - Ulrik Flo - Espen Olsen - Ole Jørgen Halvorsen - Joseph T. Bendik - Barry Kader - Joakim Rudolfsen - Cato Hansen - Ørjan Hopen - Thomas Eriksen Ness - Isak Scheel - Eirik Skaasheim - Bjørnar Hove
Vi kjem med fyldig dekning i tekst og bilete når kampn er slutt.
- LES OGSÅ:
- LES OGSÅ: