Brannen i ei hytte i Naustedalen vart raskt sløkt, men brannvesenet var på staden til seint fredag kveld for å sjekka at brannen ikkje blussa opp att.
Delvis sløkt
Dei som var i hytta skal ha forsøkt å sløkkje sjølv, men vart bedne om å trekke seg unna. Då brannmannskapa kom til staden var brannen delvis sløkt, med god hjelp frå naboar. Det opplyser skadestadsleiar Knut Skurtveit, som er lensmann i Jølster.
Etter det politiet kjenner til skal brannen ha starta i vedovnen og spreidd seg til veggen bak ovnen. Det utvikla seg rask høg varme i hytta.
Rosar naboar
Knut Skrutveit rosar dei som var i hytta for innsatsen og snarrådige naboar som kom til med brannslukkingsapparat.
– Innsatsen gjorde at brannen ikkje spreidde seg til heile hytta, seier lensmannen.
Brannmannskap frå Førde og Naustdal, samt ambulanse og politipatrulje rykka ut då meldinga om brannen kom.