Talenta har lenge vore ønskt av Sogndal og fleire andre toppklubbar, og skal no truleg vera klar for tippeligaklubben frå saftbygda.
- Les óg:
Florø ut sesongen
Dei to 15-åringane skal gå på skule i Sogndal og trena med toppklubben, men spela kampar for Florø ut sesongen.
Florøtrenar Terje Rognsø trur at moglegheitene for speletid absolutt er til stades for talenta.
– Ein spelar som Ørjan Hopen har fått mykje speletid i år, og vist at det er mogleg for unge, lokale talent å ta steget. Kva maksnivå Stefan og Peter har inne er vanskeleg å sei, då det er fleire faktorar som vil spela inn undervegs. Det er ein fascinerande del av fotballen, seier Rognsø til Sogn Avis.
Imponert stort
Tvillingane har imponert dei gongane dei har trent og spelt med Sogndal. Dei var med tippeligalaget til La Manga før årets sesong, og har spelt fleire treningskampar med Sogndal.
Dei to aldersfastlagde midtbanespelarane er rekna for å vere blant dei fremste fotballtalenta i landet i si aldersgruppe, og ei lang rekke eliteserieklubbar har bydd seg fram. Dei har vore på treningsopphald med Ålesund og Molde, og tidlegare har dei óg vore knytte til Brann, Stabæk og Viking.