Det melder klubben på sine nettsider.
Speleklar mot VIF
Etter mange rykter om at kontrakten allereie var underskrive, for so at leiinga i Sogndal Fotball nekta for dette, er no 22-åringen klar for kvittrøyene.
22-åringen kom til Sogndal tidleg denne veka, og har desse dagane forhandla om kontrakt med tippeligalaget frå saftbygda. Han er speleklar til morgondagens kamp mot Vålerenga.
- Les òg:
Toppspelarutviklar i Sogndal Fotball, Håvard Flo, er godt nøgd med den nye signeringa.
– Tonny har vore på eit kort prøvespel med oss tidlegare. Han er ein fotrapp kar som er god med ballen i beina, og han har gode touch og god balanse. Med tanke på kva spelartype han er, passar han godt inn i stallen, seier Flo til Sogndalfotball.no
Kantspelar
Christensen skal vera ein offensiv og anvendeleg spelar som kan spele i alle posisjonar i angrep, men hovudsakleg på kanten. Han kjem frå danske AC Horsens, som per dags dato toppar den danske Superligaen.
– Sogndal er ein spanande klubb, og då dei gav meg eit godt tilbod, takka eg ja. Eg håpar eg kan utvikle meg vidare og ta eit nytt steg i karrieren, seier kantspelaren til sogndalfotball.no
Den unge dansken håpar å kunne tilføra Sogndal meir offensivt spel, meir spel i små rom, og han håpar å opna scoringskontoen sin tidleg.