Trafikkulukka skjedde på riksveg 15 like utanfor sentrum i Nordfjordeid, i retning Måløy.
– Mannen køyrde motorsykkelen og han blir flydd til sentralsjukehuset. Skadeomfanget er førebels ukjend, seier operasjonsleiar Einar Vereide i politiet.
I bilen sat det ei kvinne tidleg i 20-åra. Ho kunne reise heim etter ein legesjekk.
Politiet fekk melding om ulukka ti over halv tolv laurdag føremiddag. Dei blei lange køar på staden og politiet dirigerte trafikken.