Kunne ikkje ha vore betre
– Vegvesenet sitt framlegg om ny E39 kunne ikkje ha vore betre, seier dagleg leiar ved Slindre Transport i Sogndal, Magne Ahlin.
- LES OGSÅ: Vegvesenet vil ha E39 via Stryn
Kvar natt køyrer transportfirmaet varer over Utvikfjellet og inn til Stryn.
(Artikkelen held fram under biletet)
I neste veke skal lastebileigarforbundet i fylket ha møte om tilrådinga, men allereie no har Ahlin gjort seg opp ei klår meining.
– Då eg høyrde innstillinga frå vegvesenet vart eg glad, eg hadde håpa dette skulle skje, seier Ahlin.
Best og billegast
Vegvesenet sitt forslag er å leggja vegen i ein ny tunnel under Utvikfjellet og byggje ei ny hengebru over Nordfjorden ved Svarstad i Stryn kommune.
Men ikkje alle er nøgde med Vegvesenet si tilråding.
- LES OGSÅ: Debatten rasar på nettet
- LES OGSÅ: Kakefeiringa vart til sørgjekake
Ahlin trur likevel at transportnæringa står relativt samla om å vere positive, og han får støtte frå Rolf Olav Tenden i Tenden Transport.
(Artikkelen held fram under biletet)
– For vårt firma, og for transportnæringa i indre Nordfjord, er dette ei positiv melding, seier Tenden.
- LES OGSÅ: Vegvesenet med feil veg-fokus
Hadde ein mistanke
Tenden har lenge kjempa om tunnel gjennom Utvikfjellet, og er ikkje overraska over at Vegvesenet ser på dette som det beste alternativet.
– Eg har hatt mistanke om at Vegvesenet har jobba for dette det siste halve året, og eg må seie dei gjorde eit godt val, held Tenden fram.
Fornuftig
Både Ahlin og Tenden meiner at trasévalet er den mest effektive alternativet.
– Transportnæringa er nok samla om at den kortaste og flataste vegen er det beste, og difor er tilrådinga om at E39 skal gå innom Stryn eit veldig naturleg val, seier Tenden, og legg til:
– Fornufta sigra til slutt.