– Det er plukka opp ein dykkar ved industriområdet sør for ferjekaia, seier operasjonsleiar Jan Steimler ved Hordaland politidistrikt.
Luftambulansen landa ved ferjekaia i Sløvåg i 16.40-tida søndag ettermiddag etter at ulukka vart varsla iklokka 16.11.
– Det var ein dykkar som ikkje hadde puls då han kom opp til overflata.
Steimler seier dei prøvde med hjerte-lungeredning, men ein time etter at luftambulansen kom på staden vart mannen erklært død.
Nær mudringspram
Hordaland politidistrikt opplyser at ulukka skjedde i samband med eit arbeidsoppdrag, ved ein mudringspram som er oppankra utanfor oljetankane i Sløvåg.
– Vi har folk på staden der no, dei held på med å avhøyre vitne. Arbeidstilsynet er varsla, og den omkomne blir obdusert.